Mér finnst svo æðislegt að þessi litla þjóð eigi menn eins og Aðalstein Stefánsson. Myndi gera margt fyrir þetta ljós, og þetta verður fyrsta sem ég kaupi mér þegar ég á ögn stærri íbúð þar sem ljósið fær að njóta sín.
Sunday, January 31, 2010
Wednesday, January 27, 2010
Tuesday, January 26, 2010
Þriðjudagur: Leður(skipti)taska
Mig langar í þessa leðurtösku. Ég myndi líklega móðga hönnuðinn með því að geyma í henni bleyjur, snuddur, aukaföt og annað sem nýbökuð móðir þarf að hafa með sér hvert sem hún fer.
Monday, January 25, 2010
Mánudagur: óróar
Skýjaórói frá Mosey
Fiska- og skýjaóróar frá Leptitpapillon
Saumaður órói frá Ferm Living (þar fást líka æðisleg veggfóður)
Sætur órói frá Atelier Charivari
Sunday, January 24, 2010
Sunnudagur: svefntjöld
Friday, January 22, 2010
föstudagsflipp: Bananahirsla
Þar sem ég er hirslusjúk:
Nei þetta er ekki hjálpartæki ástarlífsins.. þetta er bananahirsla !
Ég veit samt ekki hversu sniðugt þetta er. Ég gríp oft með mér banana á leiðinni út úr húsi en þeir verða oftast frekar sjúskí ofan í tösku eða í bílnum. Þessi bananahirsla er sniðug hugmynd á blaði en verður bananinn ekki bara enn sjúskaðari lokaður inn í þessu ? Hvað haldið þið?
Update:
Nýjustu fregnir herma að það fáist "bananahlíf" í versluninni Eirberg!
Thursday, January 21, 2010
Fimmtudagur: Culla Belly co-sleeper
Þetta finnst mér ein sniðugasta hugmynd sem ég hef séð. Sumir eru með vöggu fyrir krílin á meðan þau eru nýfædd, aðrir fara beint í að nota rimlarúm. Culla Belly co-sleeper er frábær hönnun frá Manuela Busetti og Andrea Garuti. Ég get rétt ímyndað mér þægindin að þurfa ekki að standa upp til að lyfta barninu úr rúminu sínu! (Mér finnst samt hallærislegur þessi koddi því ungabörn sofa ekki með kodda).
Nánari upplýsingar um Culla Belly.
Wednesday, January 20, 2010
Miðvikudagur: Eldhússniðugheit
Ég elska þegar gamlir hlutir öðlast nýtt líf og notagildi ólíkt því sem þeim var ætlað í upphafi! Mig hefur lengi langað í sæta svuntu en neita að borga 7900 fyrir svuntu í snobbeldhúsbúðum landsins. Á ferðalagi mínu um internetið fann ég þessa sniðugu hugmynd: að breyta gömlu koddaveri í svuntu. Þetta er lítið mál eins og leiðbeiningarnar sýna. Svo er annað mál hvort ég kem þessu í verk, frestunarkerlingin ég.
Tuesday, January 19, 2010
Þriðjudagur: shoes shoes shoes
Sunday, January 17, 2010
Mánudagur: Skóhilla
Síðast þegar ég taldi átti rúmlega 11 vikna sonur minn heil 10 skópör sem sárvantar fallegan geymslustað. Foreldrar hennar Matildu breyttu gamalli geisladiskahillu í þessa fínu skóhillu.. Ég hef sjálf aldrei átt almennilegt geisladiskasafn, en það er örugglega hægt að nálgast svona hillur í Góða hirðinum eða Kolaportinu, mála í fallegum lit og hengja upp á vegg. Svo er þetta líka sæt hilla fyrir bangsa og annað smálegt.
Saturday, January 16, 2010
Sunnudagur: Skipulag!
- - -
- - -
Klukkutafla - Sniðugt, og lítið mál að föndra svona sjálfur. Tússtafla + gangverk úr klukku, bora gat og setja vísana aftur á :) pretty nice. Ég yrði samt pirruð á að hafa bara skipulag fyrir einn dag í einu fyrir framan mig. Kannski afþví að ég er með frestunaráráttu og fyndist gott að geta fært á milli daga ef ég sé ekki fram á að klára eitthvað verkefnið.
Friday, January 15, 2010
Laugardagur: Falleg barnaföt
Það verður seint sagt að það sé mikið úrval af barnafötum á Íslandi... Maður lætur sig því bara dreyma um að komast í verslunarferð til útlanda. Já eða pantar föt á netinu! Úrvalið er svo enn minna ef maður er að versla fyrir stráka, stelpudeildirnar eru yfirleitt helmingi stærri.
Geggjuð stelpuföt sem fá mann til að íhuga að skella syninum í drag.
- - -
Yndisleg föt úr lífrænni Merino ull
- - -
flott föt úr lífrænni bómull
Thursday, January 14, 2010
Föstudagur: Crazy Forts og fullorðinstwister
Crazy Forts græjan er algjör snilld. Þegar ég var lítil gat ég eytt heilu dögunum í að búa til tjald úr teppi og stólum, borðum, kústsköftum og hverju því sem færanlegt var á heimilinu. Crazy Forts er hinsvegar foreldravænni útgáfa af þeirri góðu dægradvöl, enda ekki vinsælt að borðstofuborðið sé orðið að virki þegar kemur að kvöldmat.
- - -
Og í tilefni af því að það er föstudagur! Á meðan börnin leika sér að búa til hús, hallir, virki og tjöld geta foreldrarnir leikið sér í svefnherberginu ;) Hvern dreymir ekki um að eiga twister sængurföt!?
Fimmtudagur: Spjaldskrárskápar/Skjalahirslur
Þessi gullfallega og næstum fullkomna skjalahirsla er í íbúð í Amsterdam (Sem er til sölu ef e-r hefur áhuga.) Ef ég ætti þessa yndisfögru hirslu myndi hún hýsa blýanta, akrýlmálningu, blöð af öllum stærðum og gerðum, ljósmyndir og annað smálegt.
Ég sá svipaðan skáp í Kolaportinu í fyrra. Hann var að vísu ekki jafn fallegur og leit frekar út fyrir að eiga heima í bílskúr undir skrúfur og nagla. En ætti ég stærri íbúð hefði ég líklega látið slag standa og reynt að lappa eitthvað upp á hann.
- - -
Ólöf Jakobína er ekki bara flottur vöruhönnuður heldur býr hún líka svo vel að eiga hvítan skjalaskáp. Ég er að reyna að hemja afbrýðisemina...
Subscribe to:
Posts (Atom)