óskalistinn

bergruniris.com

2011-07-20T15:49:00.000-07:00

Ég hef flutt óskalistann yfir á bergruniris.com

Endilega hendið mér í rss og ekki gleyma að adda óskalistanum á facebook.

xxx

Begga

1 fataskápur - 1 mánuður

2010-06-07T16:59:00.000-07:00

Fataskápurinn minn er furðulegur staður. Þar er að finna ótrúlega skrítin föt sem ég geymi og tími ekki að losa mig við því kannski, bara kannski, mun ég einn daginn vilja nota þau á ný. Þannig kom það sér vel að víða gallaskyrtan hennar mömmu beið mín í mörg ár og er nú mikið notuð!

Ég veit samt upp á mig sökina að þarna eru flíkur sem taka pláss og verða líklega aldrei notuð, a.m.k. ekki af mér. Þess vegna hef ég ákveðið að skella mér í átak! Ég hef mánuð til að klæðast öllu í fataskápnum (þá er ég ekki að tala um hillur og skúffur, heldur bara það sem hangir). Ef ég get ekki hugsað mér að fara í eitthvað í heilan mánuð þá fær viðkomandi flík að fjúka. Í gær fór ég t.d. í sumarlegan kjól sem ég keypti á Mallorca 2005 og notaði nokkrum sinnum. Í lok dags vorum við kjóllinn sammála um að hann skyldi styttur og yrði þá mikið notaður í sumar. Í dag gróf ég upp skyrtukjól sem maðurinn minn keypti handa mér á Tyrklandi. (Ætli flestar flíkurnar sem ég nota lítið séu keyptar í útlöndum?)

Ég hlakka til að eignast "nýjan" fataskáp á næstu dögum - merkilegt hvað margt fallegt gleymist - og hlakka til að búa til pláss fyrir ný föt :)

Ég skora á lesendur að taka þátt í átakinu! - Hver er memm?

og áfram af barnaherbergjum...

2010-05-28T14:10:00.001-07:00

Mínimalískt og fallegt

Bjartir litir og æðislegur ruggustóll

Oh mér finnst þetta herbergi æði!! Hver þarf hefðbundnar hillur ef maður getur haft parísarhjól!

Myndir af Ohdeedoh

Og í tilefni af litlu yndislegu lífi sem kom í heiminn í gær set ég inn mynd af þessari sætu vöggu sem er hægt að breyta í ruggustól. Þessi færsla er því tileinkuð Prinsessu Dúnudóttur :*

Meira um stólinn hér

Finnarnir kunna þetta

2010-05-24T07:57:00.000-07:00

iittala fegurð

Jars with sand - Harri Koskinen - 2009

- - -

Vitriini - Anu Penttinen 2010

- - -

Sarpaneva - Timo Sarpaneva - 1960

- - -

Birds - Anu Penttinen - 2008

- - -

Jars - Pentagon design -2005

Hvað er þitt uppáhalds iittala dót? ;) Meira fallegt hér

Svo er hægt að skilja eftir skilaboð í sínu eigin Vitriini eða Piilo boxi.

Litla Vitriinið mitt - (lo: "oskalistinn")

það eina sem heldur aftur af þér er þitt eigið ímyndunarafl...

2010-05-21T15:11:00.000-07:00

Ég er algjör sökker fyrir fallegum barnaherbergjum. Við kallinn leituðum lengi að sniðugum hugmyndum og fundum ansi mörg falleg.

Elska litinn á veggnum, og sætu blómin. Það er líka mjög lítið mál að græja svona blóm sjálfur, já eða gera fiðrildi eða eitthvað annað sniðugt.

Hef síðar séð þessa mynd víðar, t.d. í barnaherbergjablaði Húsa og Hýbíla. Langar í risastóru gæruna, róluna og allt plássið ;)

Veggmyndir eftir Jane Reiseger

Dóra vinkona benti mér á þessa mega flottu vegglímmiða! Þeir fást hér en eru í dýrari kantinum. Það sem er samt skemmtilegast við þessa límmiða er að maður getur valið sjálfur litina - geimaparnir gætu til dæmis verið fjólubláir og gulir, eða hvernig sem er.

Mig langar að splæsa í svona límmiða handa syninum þegar hann fær sitt eigið herbergi, nema ég máli eitthvað skemmtilegt sjálf. Kannski verður auðveldara að komast að veggjunum þá heldur en seinast þegar ég málaði barnaherbergi ;)

sjúskað borð?

2010-05-20T14:02:00.000-07:00

Smá krítarmálning er kjörin leið til að lappa upp á sjúskað sófaborð! Svo má skilja eftir sæt skilaboð, hafa merktan stað fyrir fjarstýringuna eða skrifa sjónvarpsdagskránna niður (haha). Ef ég ætti ekki fínt sófaborð myndi ég skunda í góða hirðinn og ná mér í gamalt borð og mála.

ný gleraugu klapp klapp

2010-05-05T09:25:00.000-07:00

Fyrir nokkru síðan skrifaði ég smá færslu um stór gleraugu (nörda/ömmugleraugu) og átti í miklu sálarstríði varðandi hvort ég ætti að fá mér slíka dásemd eða ekki. Eftir vel heppnaðan verslunarleiðangur með systur minni kom ég heim með draumagleraugun fyrir spottprís. Fékk frábæra þjónustu í Gleraugnasmiðjunni í Kringlunn og brosið náðist ekki af mér næstu daga. Ef þetta fer fljótlega úr tísku þá bara verður að hafa það, ég er að fíla þau, og þau eru að fíla mig ;) og ég eyddi ekki það miklu í þau, og þá eru allir sáttir! Sigrún sys fann sér líka gordjöss gleraugu svo nú erum við óstöðvandi.

Fyrir:

Eftir:

Það eru nota bene þurrkuð blóm í umgjörðinni! Jebbs... I'm that cool.. haha! Svo er ég með fína heklaða hálsmenið sem amma gaf mér, það sést ekki nógu vel á þessari mynd, en það er ofsa fallegt.

Að láta sig dreyma...

2010-05-03T08:31:00.001-07:00

Mig dreymir um fallega, hlýlega, töff vinnuaðstöðu þar sem ég fæ innblástur. Ég er enn ekki búin að finna út úr því hvernig vinna yrði unnin þar ;) en drauma vinnustofan þar sem ég myndi mála væri stórt og opið loft með stórum gluggum og hráum múrveggjum. Ef ég væri að vinna við eitthvað annað, t.d. skrifstofuvinnu þá væri þetta ansi nálægt því að gera mig glaða:

Þetta er skrifstofan hans Nick Waraksa hjá Blend Studios.

Þetta er að vísu frekar macho... svona "húsbóndaherbergi", ég myndi klárlega skipta skrifborðsstólnum út, og borðfæturnir eru einum of, en að öðru leiti væri ég alveg til í að eyða 40 klst á viku þarna inni.

Uppáhalds í þessu herbergi: Viftan, veggirnir, gólfið, bólstraði stóllinn, skrifborðslampinn og hillurnar. Love love love.

Jordan Waraksa, bróðir Nick, á heiðurinn af skrifborðinu og hillunni en hann er rosalega flottur listamaður sem vinnur nytjahluti úr "rusli" (t.d. gömlum pípum, víntunnum, hengibrú og 126 ára gamalli hlöðu.) Ekki verra að eiga bróður sem græjar skrifstofuna manns! Ég væri til í að Aiden úr SATC myndi redda húsgögnunum í mína skrifstofu ;)

Nú þarf ég klárlega að fara að vinna í lottó..

Smiling Planet

2010-05-01T16:24:00.000-07:00

Mig langar í þessa fallegu umhverfisvænu, bpa-fríu diska frá Smiling planet

"I dream I am a mouse, or does the mouse dream he is me?" - Smá heimspekiflækja. Langar eiginlega mest í þennan disk því hann minnir mig á uppáhalds tilvitnunina mína sem ég fann í draumráðningabók:

"Mig dreymdi eina nóttina að ég væri fiðrildi sem flaug um og var ánægður með það. Skyndilega vaknaði ég og var orðinn Chuang-tzu aftur. Hver er ég í raun og veru? Fiðrildi sem dreymir að það sé Chuang-tzu eða Chuang-tzu sem heldur að hann sé fiðrildi?"

Chuang-tzu, uppi á 3. öld f. Kr.

- - -

Í öðrum fréttum - mömmujóganámskeiðið mitt er búið, og ég er að leita mér að nýjum jógatímum á nýjum stað (helst í Hafnarfirði en það er ekkert möst) nema nú verð ég jógandi barnlaus... Mælið þið með e-um?

Peg board...

2010-04-29T07:50:00.001-07:00

Þessi færsla er fyrir minn heittelskaða... sem elskar pegboards. (Hvað ætli þetta heiti á íslensku... einhver?)

Vinnustofan

Amy Ruppel á þessa fallegu vinnustofu. Ég er ekkert afbrýðisöm, nei nei...

Endurvinnsluhornið

Ég væri til í að hafa svona fallega endurvinnslu"stöð" í þvottahúsinu eða í bílskúrnum (í húsinu sem ég á ekki enn).

Peg board er sniðugt fyrir alls kyns græjur...

Í barnaherbergið

Þessi mynd minnir mig á Hús og Híbýli 1996. Yndislega hamingjusöm börn (sem þekkjast annað hvort ekki neitt eða eru systkini og eru nýbúin að rífast alveg heiftarlega.)

Hugmyndatafla

til dæmis skemmtilegt í unglingaherbergi undir ýmis konar plaköt. Ég safnaði haug af póstkortum sem unglingur og hengdi upp á vegg með kennaratyggjói. Þau skildu svo eftir sig ljóta fitubletti á veggjunum, þá lýst mér betur á peg board!

ah... skipulag !

Í eldhúsið

þetta finnst mér alltaf svo fínt, elska að sjá potta og pönnur uppi við, en það fellur svo mikið ryk heima hjá mér (bara mér right?) að ég þyrfti að hengja á þetta hluti sem væru notaðir dags daglega - annars væri ég alltaf að þurrka af pottunum. Þá mega þeir frekar bara dúsa inn í skáp.

Myndir fengnar frá Amy Ruppel, Nibsblog og Donkee House

hvaða eldhús-týpa ert þú?

2010-04-18T15:04:00.000-07:00

1. Hvítt, stílhreint og rúmgott. Þetta myndi haldast hreint og clutter-free í viku hjá mér.. max.

2. Nóg af skápaplássi, viður + hvítt, mjög fallegt

3. Opnar hillur, hrátt og múraður veggur (Like)

4. Stórir stafir upp á vegg eru agalega móðins núna - Ég er alveg að fíla'ða. Fallegur dökkur viður - myndi samt ekki meika að hafa enga efri skápa, myndi vilja meira geymslupláss...

5. ... nýbúin að segjast þurfa fullt af skápaplássi en samt fæ ég hlýtt í hjartað þegar ég sé þetta ofursæta eldhús undir stiga. Talandi um að nýta plássið í íbúðinni!

6. opið en samt afmarkað - Myndi sjálf vilja hafa postulínið í lokuðum skáp svo það safni ekki endalausu ryki. Sætur fíll þarna.

7. Fjólublátt og dömulegt - ekki fyrir mig en mjög fallegt engu að síður

8. Það er líklega hægt að finna mörg svona eldhús á Íslandi -krúttlegt, dúlló litur, samtíningur af alls konar borðbúnaði - Mér finnst mjög flott að merkja svona skemmtilega skúffurnar... en myndi maður hafa heila skúffu undir gaffla? Haha

9. Iðnaðarlúkkið. Elska vegginn, en finnst flísalögðu einingarnar ekki alveg að gera sig.

10. Stílhreint, en samt hlýlegt. Elska svona opnar hillur, en eins og ég sagði... ryk :/

Ég held að númer 2, 4 og 6 sé mest ég... Hvaða eldhús er að heilla þig?

og meira af hnöttum...

2010-04-07T03:04:00.000-07:00

Fleiri myndir úr þessari litlu sætu íbúð hér

Áttu kveisukrútt?

2010-03-31T16:11:00.001-07:00

Finnst þetta svo fallegt - og sæt hugmynd :) Meira hér

jeans&shoes galore

2010-03-25T15:53:00.000-07:00

Gerði langþráð gallabuxnakaup í gær með uppáhalds vinkonu minni. Fann ágætis buxur á fínu verði í Retro en fann ekki alveg nákvæmlega draumabuxurnar. Skiptir engu, er mjög sátt og fann mér líka gordjöss gallastuttbuxur sem eru hnepptar hátt upp, very pretty. Datt þessi gallabuxnaleit í hug þegar ég sá nýjasta bloggið hennar Betty

Ég elska þetta lúkk. Langar í þessa skó.. og þessar buxur.. og þetta hár. En þá er ég ekki einstök því þá er ég bara hermikráka. En Betty er allavega töff.

Úff hvað ég elska þessa skó. Hællinn mætti vera ögn breiðari en annars eru þeir fullkomnir.

hnöttóttir hnettir, fallegar ferðatöskur og bókahillur sem láta mig næstum gráta

2010-03-21T16:35:00.000-07:00

Ég elska hnetti..

Og afhverju að eiga einn þegar þú getur átt fimm?

Fallegur plánetuórói:

Svo er ég alltaf svo hrifin af gömlum fallegum töskum - og þær þurfa ekki einu sinni að vera nýttar sem töskur heldur t.d. náttborð eða hliðarborð...

... eða sem kisurúm

Svo fæ ég alveg illt þegar ég sé myndir af fallegum bókahillum. (Og þessi á tvo hnetti!)

Að ég minnist nú ekki á gluggann í þessari íbúð...

Bókahilla sem nær lengst upp í rjáfur og ooooofsa fallegur skúffuskenkur þarna til hliðar... úff mig langar

Sumir eru hæfileikaríkari en aðrir...

2010-03-15T14:34:00.000-07:00

Ég kann varla að prjóna... Tókst þó að prjóna sæta peysu á frumburðinn á meðan ég var ólétt en síðan ekki söguna meir. Peysan var líka frekar lítil (og barnið stórt) svo hún passaði bara í nokkra daga...

Ég er því ekki nærri því jafn flink í handavinnunni og margar mömmur sem ég þekki. Hún Sigurlaug Úlfamamma býr til dæmis til yndislega falleg hárbönd á ponsustelpur

Og Árný Hekla Freyjumamma er ofsa klár að hekla og býr til yndislegar kanínur og fleira fallegt fyrir börnin sín og annarra

Núna þarf ég semsagt að fara að læra að hekla því mig langar svo hrikalega að gera þennan bangsa fyrir DF :/ sé það ekki alveg gerast - en ég skal reyna :)

Fabjúlus hjálmar

2010-03-13T12:42:00.000-08:00

Ætli það myndu fleiri hjóla á Íslandi ef þeir/þær ættu svona reiðhjólahjálma!? Ég held það!

Gavin DeGraw á örugglega svona hjálm..

Hér eru fleiri hjálmar

Jóga með Maggý

2010-03-12T08:07:00.000-08:00

Ákvað að setja inn hérna últra alvarlega og væmna færslu um hana Maggý mína sem var að opna glæsilega heimasíðu - maggy.is. Maggý er jógakennari í Mecca Spa með meðgöngu- og mömmujógatíma. Svo er hún lærð doula og algjör viskubrunnur!

Ég hafði prufað einn jógatíma sem unglingur og bitið það í mig að jóga væri sko ekki fyrir mig! Ég kynni ekki að slaka á og fannst þetta hálf kjánaleg líkamsrækt. En þegar ég varð ólétt langaði mig að prufa meðgöngujóga því ég vissi að ég þyrfti á góðum undirbúningi að halda fyrir fæðinguna og þyrfti að læra að ýta burt stressi og kvíða á meðgöngunni. Ég byrjaði snemma hjá Maggý í Mecca Spa, var komin rúmar 19 vikur og ákvað að ýta burt jógafordómunum og mæta með opinn huga. Ég get núna fullyrt, eftir að hafa verið hjá Maggý fram á síðustu viku meðgöngunnar og er nú á öðru mömmujóganámskeiðinu mínu í röð, að þetta hafi verið ein besta ákvörðun sem ég hef tekið.

Meðgöngujógað styrkti mig andlega og líkamlega og fyllti mig sjálfstrausti svo ég fór inn í fæðinguna þess fullviss um að það myndi ganga vel. Fæðingin gekk eins og í sögu, ég nýtti mér öndunina sem við höfðum lært hjá Maggý á meðan ég hafði enn rænu á því og þegar hríðarnar urðu sem verstar varð mér oft hugsað til allra þeirra kvenna sem höfðu verið með mér í jóganu og voru búin að eiga krílin sín – fyrst þær gátu það, þá gat ég það líka!

Sonur minn er þvílíkt rólyndisbarn og grét næstum aldrei fyrstu vikurnar og mánuðina. Ég er handviss um að meðgöngujógað hafði virkilega góð áhrif hann jafnt sem mig, enda gott að kúra í bumbu sem er stressfrí og í góðu jafnvægi. Nú erum við Darri Freyr í mömmujóganu hjá Maggý og það er alls ekki síðra en meðgöngujógað. Áreynsluastminn sem hefur oft látið á sér kræla er nú að mestu hættur að trufla mig þegar ég geng og hleyp því ég kann betur að anda, þökk sé jóganu. Ég hef einnig betri stjórn á vöðvabólgunni sem fylgir því að vera með barn á brjósti því ég er meðvituð um líkamsstöðuna. Auk þess að vera frábær jógakennari er Maggý ein yndislegasta kona sem ég hef kynnst. Hún er hlý og innileg og einlæg í öllu sem hún segir og gerir og mér finnst ég ofsalega rík að eiga hana í mínu lífi.

Ég mæli hiklaust með jógatímunum hjá Maggý! Og ég lofa að vera ekki svona væmin í næstu færslu ;)

falleg föt

2010-03-11T14:08:00.000-08:00

Mér finnst gaman að vera strákamamma. Mér finnst gaman að strákurinn minn er algjör töffari og á töffaraföt. En einhverntíman í framtíðinni mun ég elska að kaupa falleg stelpuföt, en ekki strax... Þangað til skoða ég Olive's Friend Pop

Gler + augu

2010-03-10T06:21:00.000-08:00

Ég er orðin svo þreytt á gleraugunum mínum. Mig langar í ný fabjúlus gleraugu - en maður hleypur ekkert til og splæsir í gleraugu þegar maður er með sjónskekkju og mismunandi styrk á hvoru auga og alls konar bleh sem kostar fullt af peningum. (Já ég er bitur því ég öfunda fólk sem getur keypt sér gleraugu á bensínstöðvum, Tiger og Kolaportinu.)

Mér finnst stór gleraugu flott... en eru þau kannski að syngja sitt síðasta? Eða komu þau í tísku, fóru úr tísku og eru að koma aftur? Koma þau ekki bara alltaf aftur... sbr. Madonna í gamla daga og sæta sæta Lourdes núna...

Svo er ég bara ekkert svo viss um að ég púlli þetta lúkk. Systir mín er gordjöss með stór gamlakalla gleraugu. Hún á þessi gleraugu að vísu ekki - en hún er samt sæt með þau.

Kannski fæ ég mér bara svona þegar ég verð gömul og grá. Þá er maður alltaf kúl með stór gleraugu.. haha.

have baby - will travel

2010-03-08T15:02:00.000-08:00

Mig dreymir um að komast til útlanda með strákana mína, sleikja sólina á hvítri strönd, byggja sandkastala með Darra Frey (spf milljón) og rölta um með soninn í Mei Tai pokanum á bakinu.

Ég sé fyrir mér blágrænan sjó, sjálflýsandi hvítar strendur, kofa sem stendur hálfur úti í sjó og risastór pálmatré. - Aruba, Bora Bora, Barbados, Fiji... oh mig langar svo!

Samkvæmt þeim reynsluboltum sem ég hef rætt við er minna mál en maður heldur í fyrstu að ferðast með ung börn. Ef við förum í sumar þá getur Darri Freyr ekki hlaupið frá manni eða farið sér að voða. Á næsta ári verður drengurinn hins vegar líklega algjör skæruliði og betra að halda sig á tjaldstæðunum hér heima. Okkur langar reyndar líka að fara Vestfirðina í sumar, verðum vonandi víðförul lítil fjölskylda.

Fann sniðuga síðu á netinu þar sem hægt er að finna greinar um að ferðast með lítil kríli, umsagnir fólks um staði og hótel ofl. - havebabywilltravel.com

Best að fara að lesa!

Interaktív ljós

2010-03-06T11:12:00.001-08:00

Ólöf Jakobína er alltaf með puttann á púlsinum. Ég rakst á myndir af ljósi inn á síðunni hennar sem ég bara varð að skella á óskalistann!

Þeir sem eru klárir í höndunum og með gott auga fyrir fallegum formum og myndum ættu að fá sér svona sniðugt útsaumsljós!

Svo væri hægt að gera ljós í barnaherbergið með krílunum sínum!

Meira um ljósin fögru

Prjóni prjón

2010-03-02T09:43:00.000-08:00

Mig langar í prjónaða slaufu. Hún þarf samt að vera mjög kúl, þetta nefninlega jaðrar við að vera hallærislegt... dansar á línunni, en ég held ég sé að fíla þetta.

Spuring hvort ég að tek upp prjónana sem ég gróf (lesist "setti í poka") fyrir nokkrum mánuðum.

Meira frá Yokoo

Beggubaka

2010-03-01T14:35:00.000-08:00

Hollu kanilsnúðarnir úr bókinni "Hvað á ég að gefa barninu mínu að borða?" eftir Ebbu Guðný eru æðislega góðir. Um daginn skellti ég í nokkra snúða en notaði hluta af deiginu í Beggubökur - sem höfðu reyndar aldrei verið bakaðar áður og "uppskriftin" varð til jafn óðum. Útkoman varð semsagt epla&jarðaberjabaka... Jarðaberin voru hryllilega góð svona heit og klessuleg.

Ég get því miður ekki skrifað uppskriftina hér því ég veit ekkert hvað ég setti af hverju - en ég mæli með bökubakstri í vetrarhörkunum. Sérstaklega svona smábökur, lítið mál að græja desert fyrir tvo úr afgangsávöxtum og smá deigi :p nammi namm

veggir veggir veggir

2010-03-01T08:05:00.000-08:00

Mér finnst almennt allt of lítið gert úr veggjum, fólk eyðir ómældum tíma í að velja gólfefni en gleymir því að veggir geta líka gert heilmikið fyrir íbúðina. Þegar ég flutti inn í íbúðina mína voru fjórir veggir hraunaðir og við réðumst í að sparlsa og pússa eins og brjálæðingar þar til veggirnir urðu sléttir - það tók fjóra daga og 40 lítra af sparsli - og þó ég hafi á tímapunkti verið farin að reyta hár mitt af pirringi og þreytu þá sé ég sko ekki eftir vinnunni sem fór í þetta. Nú dreymir mig um að mála einn eða tvo veggi í einhverjum spennandi lit/litum, veggfóðra eða gera eitthvað klikkað - en ég er alltaf dauðhrædd við það því mér finnst það svo mikil skuldbinding eitthvað, sérstaklega veggfóður, hvað ef ég fæ leið á því strax og allt það. En það er eins og hárið sem vex aftur þegar maður klippir það stutt - það er alltaf hægt að breyta veggjunum seinna.

Það má afmarka svæði með smá málningarskvettu

Stækkaðar ljósmyndir geta komið vel út sem veggfóður - en það þarf að vanda valið svo maður fái ekki leið á því of fljótt. Og já svo er þarna bleikur Eames handa Svönu.

texture baby texture! Og úff hvað mig langar í þetta rúm. Finnst svona lág rúm svo girnileg, en það er líklega þess erfiðara að koma sér fram úr á morgnanna.

Mig dreymir um svona svefnskot - þar sem ekkert kemst inn nema rúmið - og fallegi timburveggurinn...

Þetta er veggfóðrið sem ég er búi að vera á leiðinni að panta mér í langan tíma.

Og fallegur múrveggur að lokum

Magnet

2010-02-28T14:17:00.000-08:00

Even Johansen, eða "Magnet", er norskur strákur sem hefur spilað á Íslandi oftar en einu sinni og oftar en tvisvar. Bróðir minn gaf mér disk með lögunum hans og síðan þá hefur tónlistin hans verið svona "safe choice" þegar ég veit ekki hvað ég á að hlusta á næst... Æ vitiði hvað ég meina? Eins og þegar maður veit ekki hvað maður á að borða og fær sér "það vanalega" af því að það klikkar aldrei.

Nokkur góð:

Nothing hurts now

Be with you

Where happiness lives

Ég sá Magnet á tónleikum í tjaldi hjá Norræna húsinu fyrir einhverju síðan og kom brosandi út og full af undarlegri hlýju. Mjá, ég er að verða væmin hérna. En til þess eru sunnudagar, ekki satt?

Laugardags-youtube-gláp

2010-02-27T09:56:00.000-08:00

Ég held ég sé almennt nokkuð þolinmóð manneskja. En svona þolinmóð er ég ekki! Þetta er ótrúlegt, og útkoman er rosalega flott!

Þetta fallega klippi animation vídjó gerði 11 ára stelpa!

Og að lokum mæli ég með flottu myndböndunum við ljóðin hans Billy Collins... ég get alveg gleymt mér í þeim. Ljóðavídjó, kanilsnúðar og snjókoma, úff hvað það er mikið fílgúdd.

Lín Design

2010-02-26T10:59:00.001-08:00

Sé Ólaf og Dorrit alveg fyrir mér kúra í þessum rúmfötum frá Lín Design með skjaldarmerkinu. Og svo kemur brytinn þeirra með morgunmat til þeirra í rúmið... Er ekki annars bryti á Bessastöðum? ;)

Annars er Lín Design með ofsa sæta umfjöllun um óróann og herbergið hans Darra Freys inn á facebooksíðunni þeirra. Lín vörurnar eru algjörar lúxus vörur, og vistvænu sjónarmiðin eru ekki til að skemma fyrir.

Vörurnar frá Lín Design eru unnar úr sérvalinni bómull sem er ræktuð og unnin án eiturefna. Bómullarvörur Lín Design eru unnar án klórs. Litarefnin eru án málma, formaldehýð eða annarra eiturefna. Litirnir í rúmfatnaðinum frá Lín Design eru samkvæmt bestu vitund og samvisku unnir úr umhverfisvænum og "húðvingjarnlegum" efnum.

(Af facebook síðu Lín Design)

Engin furða að Darri Freyr sefur vel!

loksins loksins

2010-02-25T07:22:00.000-08:00

Ég skrifaði færslu um daginn um óróa... Sigrún systir skoraði á mig að búa til eitt stykki handa Darra - eitthvað sem ég hafði reyndar ætlað að gera lengi en ekki komið mér í. Ég græjaði óróann fljótt en svo tók þvílíkan tíma að koma honum upp.. framtaksleysið alveg að fara með mann. Hér eru allavega loksins myndir

Fann greinar í garðinum, þurrkaði og málaði hvítar

Efnið í skýjunum er úr pokum sem voru utan um sængurver frá Lín Design

Darri sefur umkringdur frumskógardýrum

Fann svo "D" og "F" fyrir Darra Frey í Föndru

Sonurinn lagði sig á meðan ég tók myndirnar. Þarna sést "Gleym-mér-ey" sængurverasettið úr Lín

fínt að telja kindur þegar maður fer að sofa.. já eða kind

Finnst koma svo sætir skýjaskuggar á vegginn :)

Svo er bara fyllt í skýjin með troði - en það borgar sig margfalt að kaupa bara ódýra púða í IKEA og rista þá upp frekar en að kaupa fyllingu í föndurbúðunum.

að klæða sig í stíl við heimilið..

2010-02-23T15:01:00.001-08:00

Mér finnst alltaf jafn skemmtilegt að skoða Kenziepoo síðuna. Langskemmtilegast finnst mér "Turn this room into an outfit" færslurnar.

Síðan heitir eftir Kenzie, dóttur bloggkonunnar. Kenzie er ótrúlega fabjúlus barn! Svolítið eins og ég ímynda mér að Carrie Bradshaw hefði litið út sem kríli!

sniðugir hlutir í eldhúsið!

2010-02-18T13:25:00.000-08:00

Rosa tímasparnaður með þessum sniðuga köku/brauðhníf

oooh mér finnst þessi bolli algjört æði! Ég er líka kexkerling mikil .. (Séð á Shelterrific)

Mér finnst ristað brauð ágætt - en það má alls ekki vera of ristað. Þetta kæmi sér því mjög vel í eldhúsinu mínu :) (Séð á Wired)

Elska þessi bretti - held að þetta fáist einhvers staðar á Íslandi ? Veit einhver?

"Kökustenslar" (Séð á Shelterrific) Hægt að ná í mynstur á Canadian Living

ég er grasahippi

2010-02-16T15:17:00.000-08:00

Ég elska Jurtaapótekið.

Ég trúi því að náttúran hafi svör við öllum, eða amk. flestum okkar kvillum.

Ég elska að fá lausn minna mála í rjúkandi heitum tebolla - með hunangi til hátíðarbrigða.

Teið er minn vinur, sáluhjálpari og gleðigjafi... er ég orðin of háfleyg?

Allavega! Teheimurinn er skrítinn og skemmtilegur staður, og engu síðri en kaffiheimurinn - sem ég er persónulega lítið gefin fyrir

Skemmtilegir tepokar - Það er lítið mál að föndra svona með myndum af vinum sínum! Ég held ég græji það við tækifæri.

Sæta tesían Sharky

Teskeið... í bókstaflegum skilningi :) Ég á sjálf æðislega teskeið sem ég nappaði frá ömmu.

Annars þarf ég að fara að drífa inn mynd af óróanum sem ég saumaði handa Darra Frey. Any day now...

Exergian!

2010-02-16T07:12:00.000-08:00

"Iconic TV" eftir Exergian. Yndislega mínímalísk plaköt - ekkert nema það allra nauðsynlegasta. Finndu uppáhaldssjónvarpsþáttinn þinn hér

(Séð á Shelterrific)

Azumi for me?

2010-02-11T15:24:00.000-08:00

Fallega fallega At-At skrifborðið, eða "Star Trek" skrifborðið hans Tomoko Azumi myndi sóma sér vel heima hjá mér. Það er svo yndislega fyrirferðarlítið og fagurt að sjá og, það sem er auðvitað helsti kosturinn, mér tækist ekki að drekkja því í drasli, því það er hreinlega ekkert pláss fyrir drasl !

Fleiri myndir

gulur, rauður, grænn og ...

2010-02-10T07:15:00.001-08:00

Bækurnar mínar voru alltaf raðaðar eftir efni, en listasögubækurnar voru svo svakalega þungar að þegar ein hilla var farin að svigna meira en aðrar ákvað ég að endurraða bókunum, í þetta skiptið eftir lit. Þessi bókaskápur af Tangled and True síðunni lét mig svo drífa í því. Bækurnar mínar voru ekki nægilega "einlitar" til að fá mjög skörp skil og mig langaði líka að leyfa þessu að vera ögn meira.. tja.. "fljótandi". Setti svartar bækur tildæmis víða inn á milli En hér er semsagt útkoman:

Rauðu og appelsínugulu bækurnar

Bláu bækurnar,fallega Ghost klukkan mín og fallegur texti í ramma frá Domi vinkonu

svart og hvítt.. Spiladósin hans Darra Freys eftir Margréti Guðnadóttur

Hvítt, brúnt og beige.. og Andy Warhol, fannst hann eitthvað týnast í rauðu hillunni. Myndavél frá ömmu og afa og önnur sem mamma og pabbi fundu á markaði í Danmörku. Matroskuna lengst til vinstri keypti ég í Sankti Pétursborg

Grænar og vænar og falleg mynd frá Stoopidgerl

Það eru svo fleiri skemmtilegar litabókahillur inn á Svart á hvítu !

og áfram fallegar hirslur...

2010-02-09T08:07:00.000-08:00

Hún Eyrún var með mjög skemmtilegt blogg um daginn um flotta USB lykla. Mér fannst þessir sérstaklega flottir og var pínu pirr út í leiðinlega venjulega USB lykilinn minn...

Nema hvað! Svo kemur hún amma mín frá Kína með dýrindis USB lykil handa mér - Hún hlýtur að lesa hugsanir! Ótrúlega sætur og heil 8 gíg svo ég er vel sett með töff USB hálsmen!

Ég held ég gefi sjálfri mér leyfi til að flokka þetta undir "hirslur".

splish splash I was taking a bath...

2010-02-08T15:43:00.000-08:00

Ég var aldrei baðaðdáandi fyrr en ég var ólétt bróðurpartinn af síðasta ári. Baðið var svo besti vinur minn daginn sem ég fæddi frumburðinn. Mér finnst ennþá gaman í baði en baðkarið mitt er mjög lítið - óeðlilega stutt held ég því þessi stærð fæst bara í einni búð í vesturbænum (ég vissi ekki einu sinni að það væri búð í vesturbænum sem selur baðkör). Þegar ég verð rosa rík og þegar ég á risastórt hús ætla ég að eiga fallegt baðkar. Sum baðkör eru nefninlega fallegri en önnur.

Efsta og neðsta baðkarið fást í The Water Monopoly (Ég man ekki hvar ég fann miðjukarið).

Má draumahúsið vera svart?

2010-02-08T15:14:00.000-08:00

Mér finnst eitthvað einstaklega heillandi við alveg svartmáluð hús.

Þau eru samt ekki svo algeng - líklega afþví að svört málning er dýr. En kannski líka afþví að þau eru pínu drungaleg...

Sérstaklega þegar það er ekkert hús í margra kílómetra fjarlægð...

En huldir gluggar eru kannski einum of mikið af hinu góða.

Vaxlitabrot fá nýtt líf!

2010-02-03T06:50:00.000-08:00

Á mínu heimili er nokkurn vegin allt endurunnið sem hægt er að endurvinna, m.a.s. álið undan sprittkertum og við eigum helling af kertaafgöngum sem væri hægt að búa til þónokkur ný kerti úr. Ég þoli ekki að láta hluti fara til spillis og þess vegna finnst mér þetta alveg ótrúlega skemmtileg hugmynd: Að endurvinna vaxlitaafganga (það er hvort eð er óþolandi að lita með stubbunum). Það eina sem þarf er slatti af vaxlitabrotum, bökunarform og ofn til að bræða herlegheitin saman. Um að gera að prufa sig áfram með ólík form og ólíkar litasamsetningar.

ps. :) Teljarinn minn segir að síðan fái að meðaltali um 70 flettingar á dag - hvernig væri að kommenta :D líka þó ég þekki ykkur ekki ;) Annars fer mér að líða eins og Julie í "Julie and Julia": The truth is, no one knows about me. I feel like I'm just sending things into this giant void.

Mánudagur: giftwrappingstation!

2010-02-01T07:56:00.000-08:00

Þegar ég þarf að gefa gjafir byrja ég að svitna við tilhugsunina að þurfa að kafa aftast í skápinn til að finna gjafapappír og opna boxið mitt sem geymir samanflækt pakkabönd og krumpaðar slaufur. Ég væri alveg til í að græja svona "giftwrappingstation" inn á skápahurðina á endurvinnsluskápnum mínum. Hversu yndislegt væri það að geta gengið að öllu á sínum stað. Ohh skipulag, minn kæri erkifjandi, hve heitt ég þrái þig...

Sunnudagur: Ornametrica

2010-01-31T10:00:00.000-08:00

Mér finnst svo æðislegt að þessi litla þjóð eigi menn eins og Aðalstein Stefánsson. Myndi gera margt fyrir þetta ljós, og þetta verður fyrsta sem ég kaupi mér þegar ég á ögn stærri íbúð þar sem ljósið fær að njóta sín.

Ornametrica.com

Miðvikudagur: The little things

2010-01-27T08:49:00.000-08:00

Ég elska pínuponsulitla hluti

Little People - Slinkachu

Secret life of stormtroopers - Cindy Geeze

Þriðjudagur: Leður(skipti)taska

2010-01-26T11:30:00.000-08:00

Mig langar í þessa leðurtösku. Ég myndi líklega móðga hönnuðinn með því að geyma í henni bleyjur, snuddur, aukaföt og annað sem nýbökuð móðir þarf að hafa með sér hvert sem hún fer.

Mánudagur: óróar

2010-01-25T07:36:00.001-08:00

Skýjaórói frá Mosey

Fiska- og skýjaóróar frá Leptitpapillon

Saumaður órói frá Ferm Living (þar fást líka æðisleg veggfóður)

Sætur órói frá Atelier Charivari

Man því miður ekki hvar ég fann þessa mynd

Allir þessir óróar eru fremur einfaldir og auðvelt að sauma/föndra sjálfur ef maður hefur ímyndunarafl og tíma.

Sunnudagur: svefntjöld

2010-01-24T11:18:00.000-08:00

Mig langar í svona þung tjöld í svefnherbergið. Finnst það ofsalega huggulegt, eins og herbergið faðmi mann. Hef aldrei haft smekk fyrir himnasængum, þ.e. þessum hvítu gagnsæu dulum, en þung gluggatjöld eru yndislega syfjuleg og hlýleg.

föstudagsflipp: Bananahirsla

2010-01-22T16:47:00.000-08:00

Þar sem ég er hirslusjúk:

Nei þetta er ekki hjálpartæki ástarlífsins.. þetta er bananahirsla !

Ég veit samt ekki hversu sniðugt þetta er. Ég gríp oft með mér banana á leiðinni út úr húsi en þeir verða oftast frekar sjúskí ofan í tösku eða í bílnum. Þessi bananahirsla er sniðug hugmynd á blaði en verður bananinn ekki bara enn sjúskaðari lokaður inn í þessu ? Hvað haldið þið?

Update:

Nýjustu fregnir herma að það fáist "bananahlíf" í versluninni Eirberg!

Fimmtudagur: Culla Belly co-sleeper

2010-01-21T06:36:00.000-08:00

Þetta finnst mér ein sniðugasta hugmynd sem ég hef séð. Sumir eru með vöggu fyrir krílin á meðan þau eru nýfædd, aðrir fara beint í að nota rimlarúm. Culla Belly co-sleeper er frábær hönnun frá Manuela Busetti og Andrea Garuti. Ég get rétt ímyndað mér þægindin að þurfa ekki að standa upp til að lyfta barninu úr rúminu sínu! (Mér finnst samt hallærislegur þessi koddi því ungabörn sofa ekki með kodda).

Nánari upplýsingar um Culla Belly.

Miðvikudagur: Eldhússniðugheit

2010-01-20T10:50:00.001-08:00

Ég elska þegar gamlir hlutir öðlast nýtt líf og notagildi ólíkt því sem þeim var ætlað í upphafi! Mig hefur lengi langað í sæta svuntu en neita að borga 7900 fyrir svuntu í snobbeldhúsbúðum landsins. Á ferðalagi mínu um internetið fann ég þessa sniðugu hugmynd: að breyta gömlu koddaveri í svuntu. Þetta er lítið mál eins og leiðbeiningarnar sýna. Svo er annað mál hvort ég kem þessu í verk, frestunarkerlingin ég.

Buxnaherðatré má svo nýta sem uppskriftabóka"stand" (uppskriftabókahengi?). Ég bý sjálf svo vel að eiga fimm kílóa uppskriftarstand sem mágkona mín gaf okkur ein jólin, en ef honum skyldi vera stolið (það er innbrotafaraldur) þá veit ég af þessari lausn.

Þriðjudagur: shoes shoes shoes

2010-01-19T08:31:00.000-08:00

við höldum bara áfram með sniðugar skógeymslur!

man ekki hvaðan þessi mynd kemur og þar af leiðandi hef ég ekki hugmynd um hvaða snillingur á þessa hugmynd. En þegar ég byggi mér hús þá verða klárlega hirslur í tröppunum!

Mánudagur: Skóhilla

2010-01-17T01:58:00.000-08:00

Síðast þegar ég taldi átti rúmlega 11 vikna sonur minn heil 10 skópör sem sárvantar fallegan geymslustað. Foreldrar hennar Matildu breyttu gamalli geisladiskahillu í þessa fínu skóhillu.. Ég hef sjálf aldrei átt almennilegt geisladiskasafn, en það er örugglega hægt að nálgast svona hillur í Góða hirðinum eða Kolaportinu, mála í fallegum lit og hengja upp á vegg. Svo er þetta líka sæt hilla fyrir bangsa og annað smálegt.

Sunnudagur: Skipulag!

2010-01-16T15:14:00.001-08:00

Mig langar að hafa svona inn á skrifstofunni minni. Mánaðarskipulag, lítil sæt hólf fyrir smáhluti og það sem ég er hrifnust af þessa dagana, efst fyrir miðju, svona bönd til að smeygja á bak við.

- - -

Þetta er algjör snilld. Held ég hafi fyrst séð eitthvað svipað hjá bróður mínum. Eina sem þarf til er rammi með engri mynd og engri bakplötu. Og töflutúss! En það má alltaf setja mynd á bakvið, til dæmis dagatal.

- - -

Klukkutafla - Sniðugt, og lítið mál að föndra svona sjálfur. Tússtafla + gangverk úr klukku, bora gat og setja vísana aftur á :) pretty nice. Ég yrði samt pirruð á að hafa bara skipulag fyrir einn dag í einu fyrir framan mig. Kannski afþví að ég er með frestunaráráttu og fyndist gott að geta fært á milli daga ef ég sé ekki fram á að klára eitthvað verkefnið.

- - -

Krítartafla - Þetta finnst mér einstaklega fallegt! Og ekkert mál að mála beint á vegg. Svo má alltaf þurrka út krítina og þá stendur eftir fallega köflóttur grátóna veggur.

Laugardagur: Falleg barnaföt

2010-01-15T10:23:00.001-08:00

Það verður seint sagt að það sé mikið úrval af barnafötum á Íslandi... Maður lætur sig því bara dreyma um að komast í verslunarferð til útlanda. Já eða pantar föt á netinu! Úrvalið er svo enn minna ef maður er að versla fyrir stráka, stelpudeildirnar eru yfirleitt helmingi stærri.

Hucklebones

Geggjuð stelpuföt sem fá mann til að íhuga að skella syninum í drag.

- - -

Nui Organics

Yndisleg föt úr lífrænni Merino ull

- - -

Kate Quinn

flott föt úr lífrænni bómull

Föstudagur: Crazy Forts og fullorðinstwister

2010-01-14T09:24:00.000-08:00

Crazy Forts græjan er algjör snilld. Þegar ég var lítil gat ég eytt heilu dögunum í að búa til tjald úr teppi og stólum, borðum, kústsköftum og hverju því sem færanlegt var á heimilinu. Crazy Forts er hinsvegar foreldravænni útgáfa af þeirri góðu dægradvöl, enda ekki vinsælt að borðstofuborðið sé orðið að virki þegar kemur að kvöldmat.

Crazy forts fæst m.a. í Barnes&Noble og kostar um 6200 krónur . Mér finnst lýsingin á þessu frekar skondin: "Durable, portable and best of all, there's no batteries required". Haha, það er víst sjaldgæft að leikföng nútímans þurfi ekki rafhlöður...

- - -

Og í tilefni af því að það er föstudagur! Á meðan börnin leika sér að búa til hús, hallir, virki og tjöld geta foreldrarnir leikið sér í svefnherberginu ;) Hvern dreymir ekki um að eiga twister sængurföt!?

Fimmtudagur: Spjaldskrárskápar/Skjalahirslur

2010-01-14T05:52:00.000-08:00

Þessi gullfallega og næstum fullkomna skjalahirsla er í íbúð í Amsterdam (Sem er til sölu ef e-r hefur áhuga.) Ef ég ætti þessa yndisfögru hirslu myndi hún hýsa blýanta, akrýlmálningu, blöð af öllum stærðum og gerðum, ljósmyndir og annað smálegt.

Ég sá svipaðan skáp í Kolaportinu í fyrra. Hann var að vísu ekki jafn fallegur og leit frekar út fyrir að eiga heima í bílskúr undir skrúfur og nagla. En ætti ég stærri íbúð hefði ég líklega látið slag standa og reynt að lappa eitthvað upp á hann.

- - -

Ólöf Jakobína er ekki bara flottur vöruhönnuður heldur býr hún líka svo vel að eiga hvítan skjalaskáp. Ég er að reyna að hemja afbrýðisemina...

Ef einhver veit hvar ég get komist yfir eins og eitt stykki skjalahirslu/spjaldskrárskáp - vinsamlegast látið mig vita :) (En honum þarf auðvitað að fylgja stór íbúð svo hann komist fyrir).

óskalistinn

bergruniris.com

1 fataskápur - 1 mánuður

og áfram af barnaherbergjum...

Finnarnir kunna þetta

það eina sem heldur aftur af þér er þitt eigið ímyndunarafl...

sjúskað borð?

ný gleraugu *klapp klapp*

Að láta sig dreyma...

Smiling Planet

Peg board...

hvaða eldhús-týpa ert þú?

og meira af hnöttum...

Áttu kveisukrútt?

jeans&shoes galore

hnöttóttir hnettir, fallegar ferðatöskur og bókahillur sem láta mig næstum gráta

Sumir eru hæfileikaríkari en aðrir...

Fabjúlus hjálmar

Jóga með Maggý

falleg föt

Gler + augu

have baby - will travel

Interaktív ljós

Prjóni prjón

Beggubaka

veggir veggir veggir

Magnet

Laugardags-youtube-gláp

Lín Design

loksins loksins

að klæða sig í stíl við heimilið..

sniðugir hlutir í eldhúsið!

ég er grasahippi

Exergian!

Azumi for me?

gulur, rauður, grænn og ...

og áfram fallegar hirslur...

splish splash I was taking a bath...

Má draumahúsið vera svart?

Vaxlitabrot fá nýtt líf!

Mánudagur: giftwrappingstation!

Sunnudagur: Ornametrica

Miðvikudagur: The little things

Þriðjudagur: Leður(skipti)taska

Mánudagur: óróar

Sunnudagur: svefntjöld

föstudagsflipp: Bananahirsla

Fimmtudagur: Culla Belly co-sleeper

Miðvikudagur: Eldhússniðugheit

Þriðjudagur: shoes shoes shoes

Mánudagur: Skóhilla

Sunnudagur: Skipulag!

Laugardagur: Falleg barnaföt

Föstudagur: Crazy Forts og fullorðinstwister

Fimmtudagur: Spjaldskrárskápar/Skjalahirslur

ný gleraugu klapp klapp